بيرينجي آناديلي قورولتايي‌"نين قطعنامه‌سي

2 ايسفند 1382

بيز 21 فوريه دونيا آناديلي گونو مناسيبتيله تبريزده قورولان "1جي آناديلي قورولتايي"‌نين ايشتيراكچيلاري و بوتون آنا ديليني سئونلر،
-بيرلشميش ميلتلر تشكيلاتي‌نين اينسان حاقلاري عمومي بيانيه‌سينه، مدنيسياسي حاقلار ميثاقينا، ايقتيصادي ايجتيماعي و كولتورل حاقلارشوراهاى اسلامى آذربايجان شرقى خواستار اجراى اصول ١٥ و ١٩ قانون اساسى شد ميثاقينا ايستنادا،
-بيرلشميش ميلتلر تشكيلاتي‌نين 135/47 نومره‌لي (18 دسامبر 1992 تاريخلي) ميليت، عيرق، ديل و دين اينسان حاقلاري ميثاقينا اساسلاناراق،
-ايران اسلام جمهوريتي‌ آنا ياساسي‌نين (هله قوّه‌دن فعله اوغراماميش) 15جي و 19جو ماده‌لرينه داياناراق،
-ان آزي اؤلكه‌نين اوچده ايكي اهاليسيني تشكيل ائدن تورك، كورد، عرب، لور، توركمن، بلوچ و ..... مختليف ديل و كولتورلرين وارليغيني گؤز اؤنونه آلاراق،‌

حؤرمتلي ايران ايسلام جمهوريتي دولت مسئوللاريندان ايسته‌ييريك آشاغيداكي طلبلري يئرينه چاتديرماق اوچون ال‌وئريشلي و لازيمي حقوقي ، مادي و معنوي ايمكانلار ياراتسينلار

1 - ايبتيدايي و اورتا مكتبلرده آنا ديللري‌ تدريس اولونسون.
2 - عوموم‌اؤلكه و يئرلي راديو، تلويزيون و مطبوعاتدا اهالي‌ تركيبينه گؤره آناديللريندن گوجلو و دوزگون حالدا ايستيفاده اولونسون.
3 - موختليف ديللر و كولتورلريميزين قورونوب، چيچكله‌نيب، گليشمه‌سي اوچون مدني، كولتورل دولتي قورولوشلار يارانسين، غئيردولتي قورولوشلاردان ايسه دولت حيمايه‌سي اسيرگنمه‌سين.
4 - بوتون ايران ميليتلرينين ديللرينه، دينلرينه، مذهبلرينه، تاريخي آدلارينا، گئييم طرزلرينه، و عادتعنعنه‌لرينه حؤرمتله ياناشيلسين و اونلارين معنوي تاريخي كولتورل ديَرلري باشقا وطنداشلارا اؤيره‌ديلسين.
5 - ميلي حاقلاري مودافيعه ائدن (عوموم اؤلكه يا ايالتي اولدوغونا باخماياراق) سياسي، اجتيماعي تشكيلاتلارين قورولماسي قارشيسيندا اولان بوروكراتيك مانيعه‌لر آرادان قالديريلسين.
-6 ميليتلري بير واحيد ديل و كولتور ايچينده اريديب، آسيميله ائتمك ايسته‌ين، كئچميش رژيمدن قاليب و بوگون ده بعضا دولتين سياسي قرارلاريندا دانيشماقدا اولان شوونيسم دوشونجه‌سي ايله جيدي موباريزه آپاريلسين.

يونسكو و بيرلشميش ميلتلر تشكيلاتيندان ايسته‌ييريك

ايران ايسلام جمهوري‌سينيدن، ايران ميليتلرينين مدني، ديل و كولتور حاقلاري‌نين اونلارا گئري قايتارماقدا ائديب، ائده‌جگي تشبوثاتدان و آنا ديللريندن مدافيعه سياسيتيندن حيمايه ائدرك، اونون تشويقنه چاليشسين،

21فوريه 2004 (2 ايسفند 1382) تبريز –آذربايجان ايران