آذربايجان دانيشير

7 تیر 1382

ايرانين شرفلي اهاليسي،

عزيز وطنداشلار،

بؤيوك مشروطه اينقيلابيندان بو گونه‌دك اؤلكه‌ميزين عدالت و آزادليق‌سئوه ر گوجلري چاليشميشلار كي، آزادليق و عدالتي برپا ائديب، ايران وطنداشلاريني اؤز ايجتيماعي و فردي حوقوقلارينا ناييل اوْلماقدا يارديم ائتسينلر.

ميللتيميز تاريخ بوْيو بير چوْخ موستبيد شاهلارين اؤزباشيناليغي‌نين شاهيدي اوْلموشدور. اوْنلار اؤز حاكيمييتلريني ساخلاماقدان اؤتورو هر نؤوع جينايته ال آتميشلار. لاكين بشرييتين موکررر تجروبه‌سينه اساسن ظولم قالاسي دئييل.

1357- ده سلطنته قارشي اينقيلابين هدفي ائله همين جومهورييت و دئموكراسي قوُرماق تجروبه‌سي كيمي دَيَرله نديريله بيلر.

اوْ عظمتلي اينقيلابين تاريخيندن 25 ايل كئچدييينه باخماياراق، اساس سوُآل بوُندان عيبارتدير كي ، گؤره‌سن ايران خالقي اؤز ميللي ايستكلرينه ناييل اوْلوبمو؟

يقين كي، كئچميش سهولري آراشديريب، تانيتماق گله‌جكده بير ماياك كيمي ميللتيميزين يئني دئموكراتيك حركتي‌نين يوْلونا ايشيق ساچاجاقدير.

بئله آنلاشيلير كي، اؤلكه‌ده دئموكراتيك بير دوزه ن قوُرا بيلمه‌مه ييميزين باشليجا عيللتلري دئموكراسي آنلامي‌نين دوزگون معناسيني بيلمه‌مك، اوْنو بير تئوريك ساحه كيمي اله آلماماق، هابئله دئموكراسي‌نين تمليني تشکيل ائدن ضرورتلره، اؤلكه‌نين مدني، ايجتيماعي، ايقتيصادي، كولتورل، ائتنيك و مذهبي قوُرولوشونا گؤز يوُمماقدير.

بئله بير حالدا دئموكراسي و جومهوريتين نه اوْلدوغوندان آچيق و آيدين بير پئرسپئكتيو آچيب، گؤسترمك، آزادليق‌سئور و دئموكرات گوجلرين بير- بيريله تانيشماسينا و اهالي‌نين اکثرييتي‌نين ايسته‌دييي قوُرولوشا ناييل اوْلماسي اوُغروندا اوْنلارين بيرله شيب، ايش‌ بيرلييي آپارمالارينا سبب اوْلا بيلر.

بيز، بوُ سنده قوْل چکن بير قوروُپ آذربايجانلي آراشديرماچي، موتفككير، يازيچي، اوُنيوئرسيته اؤيره نجيسي و كادرلاري، شاعير، قازئته‌چي و سيياسي فععاللار عوموم‌خالق دئموكراسي جبهه‌سي قوُرماق ايسته‌ين باشقا هموطنلريميزي حيمايه ائده‌رك،‌ ايران آزادليق حركاتي‌نين اساس يؤنلري و باشليجا مقصدلري حاققيندا اؤز دوشونجه‌لريميزي بيلديرمك ايسته‌ييريك:

١- ميللي ايستكلري الده ائتمك اوچون اساس شرط دئموكراتيك جومهورييتلرده اوْلان تانينميش اوصول يوْلو ايله دئموكراتيك قوُرولوشا كئچمك و بيرلشميش ميللتلر تشكيلاتي‌نين اينسان حاقلاري اوزره بيان‌نامه‌سي و اوْنون ضميمه‌لرينده قئيد اوْلونان فردي و ايجتيماعي حوقوق و آزادليقلارين قوْرونماسيدير.
٢- اؤلكه‌نين ائتنيك قوُرولوشو، جوْغرافيا گئنيشلييي و تاريخي كئچميشينه باخاراق، ايراندا فدراتيو بير سيستئمين يارانماسي قاچينيلمازدير. كئچن يوز ايلده مشروطه و ايسلام جومهوريسي آناياسالاريندا اوْلان مشهور ايالتي و ويلايتي انجومنلر و ايسلام شورالاري مادده‌لري، همين فئدئراتيو سيستئمين يارانما ضرورتيني گؤسترمكده‌ اوْلوب، سون ايكي ايلده ايسه ايرانين اوْن ايالته بؤلونمه لاييحه‌سي همين ضرورتي داها دا ووُرغولاماقدادير.
٣- وطنداشلارين كولتوره ل، ايقتيصادي و سياسي حاقلاريني آچيقلاييب، قانون چرچيوه‌سينه سالماق، بوتون ساحه‌لرده اوْنلارين برابرليييني ساغلاماق جومهورييتين ساغلامليغي و مؤحكمله نمه‌سينه تأمينات وئرير. اوْنون اوچون هر هانسي دوشونجه، فيكير، سوْي، مذهبه باغليليق اوستونلوک و مشروعييت قايناغي ساييلماز. بيزه گؤره مشروعييتين تك بير قايناغي آزاد و دئموكراتيك سئچكيلرده قازانيلان اكثرييتين سسيدير.
٤- يران چوْخ ميللتلي بير اؤلكه اوْلدوغونا گؤره، تاريخ بوْيو اوْنون گئنيش اراضيلر‌ينده چوْخ دانيشيلان و موستقيل توركجه، فارسجا، عربجه، كوردجه، توركمنجه و بلوچجا كيمي ديللر ياييلميشدير. بوُ سببدن آنا ديلده تعليم و تربيه اوصولونون بوتون تحصيل ايللرينده تئزليكجه و شففاف صورتده ايجرا اوْلماسي واجيبدير.
٥- بوتون ديللر، لهجه‌لر و كولتوره ل ايرثلريميز ايرانين بؤيوك معنوي ثروتي ساييلماسينا گؤره هئچ بير آيري سئچكيليك ائتمه‌دن، بوتون بوُ ديللر و لهجه‌لرين قوْرونوب، گليشديريلمه‌سينه و آتالاردان قالان ياديگارلارين ساخلانيلماسينا ال‌وئريشلي شراييط ياراتماق بيزيم ايستكلريميزدندير.
٦- توْپلومدا وطنداشلارين ياريسيني اوْلوشدوران قادينلارين اينساني مؤوقئعي‌نين قوْرونماسي اوچون قادين حاقلاريندا آيري سئچكيليكلرين لغو ائديلمه‌سي بيان‌نامه‌سينه و اوْنون ضميمه‌لرينه روعايت واجيب شرطلردندير.
٧- دئموكراسيني قوْرويوب، دوام ائتديرمك اوچون اؤلكه‌نين هر يئرينده علمي، كولتوره ل، ايقتيصادي و ايجتيماعي ساحه‌لرده دواملي گليشديرمه ايشلري لازيمدير. بيز امنييت، تعليم و تربييه، عومومي يايين اوْرقانلاري، ساغليق، ايش، ائو و ساييره ايمكانلاردان برابر شكيلده فايدالانما حاققيني هامي اوچون طلب ائديريك.
٨- ايرانين ياشاييش موحيطي، ياشام طرزلري و ژئنئتيك خزينه‌سي ميللي ثروتلريميزين ان اؤنه مليسيدير. بيز سوْن ايللرده ياشاييش موحطينه ووُرولان زييانلارين اوْرتادان قالديريلماسي و دَيرلي ميللي ثروتلريميزين قوْرونماسيني ايسته‌ييريك.
٩- بيزجه ميللي منفعتلري قوْروماق شرطي ايله، اوُلوسلارآراسي هارمونيك موناسيبتلرين تنظيمله نمه‌سي، ميللتلرآراسي دوْستلوغون گوجله نمه‌سي، هابئله دونيادا صولح و امن- امانليغين قوْرونماسي ميللي گليشمه‌‌نين و امنييتين اؤن شرطيدير.

بيز بوتون ايستكلريميزي دينج يوْللارلا ساغلاماغي دوشونوروك. بيزجه بوتون دينج چاليشمالار، او جومله‌دن تحصصون، ييغينجاق، ميتينگ، ائعتيصاب و رئفئراندوما چاغيريش ميللتيميزين اؤز حاقلارينا چاتماسيندا ان طبيعي حاقلار كيمي دَيَرله نديريلمه‌ليدير.

بيز اينانيريق كي، يوُخاريدا قئيد اوْلونانلاري اؤرت- باسدير ائتمک، ياخود دا اوْنلارا سايغيسيزليق خالقين بير چوْخ قيسمي‌نين اينام و گووه نجيني ايتيرمه يه گتيريب چيخاراجاق و اوْلا بيلسين كي، قارشي‌ دوُرمالارا يوْل آچسين و گوجلرين هدره گئتمه‌سينه و گليشمه‌ميزين انگلله نمه‌سينه سبب اولسون.

اوميد ائديريك کي، توْپلومون گليشمه‌سي اوچون تمنناسيز چاليشانلار اؤلكه‌نين اؤزه لليكلري، چاتيشماز جهتلري و منطقه‌ده‌كي دَييشيكليكلري دوزگون شکيلده آراشديريب، تحليل ائده‌رك، ايران خالقي‌نين حركتينده يوُخاريدا قئيد ائديلن هدفلره يوْل آچسينلار.

اوْلسون كي، اؤز ايجتيماعي حركت و نئهضتلريميزده دئموكراسيدن و جمعييتيميزين چتينليكلريندن آچيق بير گؤرونوش اوْرتايا قوْياراق، آزاد و برابرحوقوق وطنداشلاري اوْلان بير باشي‌اوُجا و ايره لىله‌ميش اؤلكه‌نين تمليني قوْيماغا ناييل اوْلاق.

1382 اينجي گونش ايلي- تيرآيينين 7

موسي الرضا ابراهيم زاده ، حسين ابراهيمي ، جعفر ابراهيمي ، محمد احمدلو ، بهرام اسدي ، اسلام اسدي پور ، سعيده اسلامي ، رضا اشراقي ، هادي اصغرنژاد ، علي اعتمادي فر ، کامران اعلايي ، امين اکبرپور ، رسول اکبري نقدهي ، محمد اکبري ، محمدرضا الماسي ، محمد امين ، اصغر اورخون ، فرمان ايلکي ، ابوالفضل ايماني ، انور ايماني ، حسين آجان ، مهدي آذري ، اکبر آزاد ، محمدعلي آشکاري ، امير آشکاري ، محمدرضا آقاپور ، مهدي آقايي ، جمال آيريملو ، سعيده بابازاده ، پريسا بابايي فرد ، روح اله باوفايي ، نوروز بربسته ، ابراهيم برزگر ، امير بزرگي ، حميد بلوري ، يوسف بهنمون ، محبوب بوداقي ، عيوض بيات ، شهنام بيات ، جواد بيرامي ، رضا بيگ زاده ، سارا پادار ، تقي پاشاپور ، يوسف پرتوي ، جعفر پري ، ميرعباس پسنديده ، جعفر پشتو ، مهدي پورصادق ، داوود پورمحمد ، فخران پورنجف ، مهرداد تبريزي ، قادر تقوي ، سرور تقي اوغلو ، جوانشير تقی زاده ، سميه تن آرا ، مهرداد تهمورثي ، فاطمه تيموري ، فريدون تيموري ، شعبان جدي ، ابراهيم جعفرزاده ، حسن جعفرزاده ، علي جعفرزاده قره ضياالدين ، مريم جعفري ، مجتبي جعفري ، نسرين جعفري ، رضا جلالي ، فرهاد جوادي ، اسماعيل جوادي ، عليرضا جوانبخت قولنجي ، داريوش حاتمي ، علي حاجعلي ، عزت حاجي زاده ، يعقوب حسن پور ، صمد حسن پوريامچي ، عزيز حسني ، حسين حسني ، عين اله حسين زاده ، سيدلطيف حسيني ، سيدمناف حسيني ، امير حسيني ، محمد حسيني ، احمد حسيني ، علي حق وئرديلو ، ياشار حکاک پورمراغي ، رضا حکيمي راد ، غلامعلي حنيفي ، فاطمه حيدري ، جواد حيدري ، هاشم حيدري ، رسول حيدري ، رضا خائقي ، مجيد خالقي مقدم ، رحمت اله خداکرمي ، ياشار دباغ ، افشين دنيامالي ، حسن راشدي ، يوسف رحمان فر ، صفي اله رحمتي ، محمد رزاقي ، ولي رستم زاده ، مريم رستمي ، حميد رستمي ، رستم رستمي ، ترکان رضازاده ، احمد رضانيا ، محمد رضايي ، حسن رضايي ، محمدرضا زکائي ، ادريس سالاري ، يونس سالکي نيا ، يعقوب سالکي نيا ، سعيده سردار ، رضا سعادت مهر، مقصود سليمان پور ، مهدي سياري ، پرويز سياري جرزان ، حيدر شادي ، حميد شافعي ، عليرضا شاکر ، آيدا شاکري ، پروانه شاهين پور ، علي شجاع ، محمدرضا شمس ، نقي شهاب نيا ، بهزاد شهسواري ، داوود شيردل ، محمد صادق پور ، محمد صبحدل ، کريم صدرايي ، عليرضا صرافي ، کيان صفري ، بهروز صفري ، حسين صفي زاده ، فرزاد صمدلي ، اکبر صمدي ، عطيه طاهري ، محمد عابديني ، کمال عباسپور ، عطا عباس زاده ، بهروز عباسی ، رضا عباسي ، روح اله عباسيان ، غلامرضا عباسي دانش آذر ، عليرضا عبداللهي ، محرمعلي عرفاني ، عبداله عزيزي ، علي عزيزي ، عليرضا عطاري ، داوود علي آبادي ، قربان عليزاده ، محمدعلي عليزاده ، رسول عليزاده ، محبوب عليزاده ، يوسف عليزاده ، پرويز علي نژاد ، رحيم علي نژاد ، سئويل غريبي ، کيان غضنفري ، حيدر غفاري ، توکل غني لو، اسماعيل فاخري ،امير فرازمند ، ايلقار فرج زاده ، لطيف فرج زاده ، وحيد فرجي ، عليرضا فرجي ، اميد فرزاديان ، علي فرزانه ، عليرضا فرشي ، فرشيد فرشيدفر ، علي فرهنگي ، وحيد فرهودي ، فاطمه فروزان ، صياد فياضي ، حجت قاسملو، کاظم قاسمي ، منوچهر قانعي ، زهرا قبايي ، جعفر قربان زاده ، زين العابدين قربان زاده ، اکبر قرباني ، ربابه قلي زاده ، شکراله قهرماني ، رسول کامران کشتیبان ، صبور کبيري ، اسماعيل کريم زاده ، علي کريمي ، علي کريمي ، جواد کريمي ، عباس کريمي ، رحيم کريمي ، رضا کريمي نژاد ، عمران کوهسالار ، افشين کياقره باغي ، نصراله کيشي زاده ، صياد گليپور ، عباس لساني ( لیسانلی ) ، سعيد متين پور ، عليرضا متين پور ، سيامک محمدحسيني ، حسين محمدخاني گونئيلي ، يعقوب محمدي ، حسن مخلص ، اسماعيل مددي ، ناصر مرادلو ، کمال مرادي ، بولود مرادي ، فرهاد مرادي ، رسول مرادي ، وحيد معرفت ، مهدي ملازاده ، وحيد منافی ، هوشنگ مهرابي ، آيت مهرعلي بيگلو ، قهرمان موحدي ، فاضل موسوي ، جواد موسوي ، بهرام موسي پور ، سعيد موغانلي ، منصور مولايي قولنجي ، غلامرضا ميراني ، فاطمه ميرحسن پور ، ميکاييل ميرزايي ، حسين ميرزايي ، رسول نادري ، قدرت ناصحي نيا ، ائلناز نامي ، عبدالله نجفي ، منوچهر نجفي ، مهدي نصيري ، تيمور نصيري فرد ، علي نظري ، رسول نظري ، ابولفضل نظري ، سعيد نعلبندي ، فردين نعمت زاده ، فاطمه نعمتي ، سعيد نعيمي ، مهدي نعيمي ، عادل نقي زاده ، حسينقلي نوري ، ياشار نوري ، سليمان هاشم زاده ، جلال هلالي ، مسعود ورمزيار ، پرويز وطن پور ، صابر وطن خواه ، آغشين يکانلي ، شهرام يوزباشي ، داريوش يوسفي

اؤز هم‌رأيلييينيزي بيلديرمك و يا بوُ مكتوبا قوْل‌چکنلرله علاقه ياراتماق ايسته‌سه‌نيز، بوُ آدرئسه باش ووُرا بيلرسينيز:

Azer_news@yahoo.com

---