دونیا آنا دیلی گونونده : آجلیق گؤره وی ، اعتیراض سَسی
۱ بوز, ۱۳۸۶, ۰۸:۲۴
۳۰ میلیون دان آرتیق یاشایان تورک آذربایجان لی ایران اؤلکه سینده ، هله ده ۲۱ اینجی یوز ایل لیک ده اؤز آنا دیل لرینده تحصیل ائتمک دن محروم قالیب لار- بیر حالدا کی باشقا اؤلکه لرده بو سوروم(Sorum) ایل لردیر آرادان قالدیریلیب و اینسان لار اؤز یلکین و دوغال حاق لارینا مالیک دیرلر .
هر بیر اینسان دونیایا گؤز آچاندان سونرا اؤز آناسینین دیلی اولاراق بسله دییی شیرین لای لاسی ایله ، گئجه گوندوز ایل لره قاتیب - بویویوب ، آیاق توتوب و گؤزله ییرکی اوخول لاردا اؤز آنا دیلینده سؤزلر- کلمه لر و جمله لری اؤیره نیب - دوشونسون و دونیایا گئنیش لی باخارکن قانادلانیب و اؤزونه عایید اولان توپلومون قوُللوغوندا چالیشسین .
آنلامی ، بوتون « توپلوم »(جامعه) اؤز کیملیک لرینده یاشاییب دونیا اینسانلار بیرلشیمین یولوندا ، آیاق لانسین لار .
آما بو اینسان اوُشاق لیق چاغیندان ، دوشونجه لرینی داها داورانیش لارینی ، ایلک مکتبه آتدیم قویاندان سونرا اؤز دیل ایله کاغیذ اوستونه گتیرنمه سه ، ان بؤیوک روانی گرگین لیک لرله اوز- اوزه اولوب فیکیر و آغیز ایلگی لری آردان قوپاریلیب ، سونوج دا آسئمیله اولاجاق دیر. نهایت ده اینسان مَسخ اولوب ، باشقا باخیش ایلا دیری ایکن اؤلور !
بو اوزدن غیر دولتی موسسه و قوُروم لار ۱۹۹۶ ایلینده بارسلونا دا توپلانیب اینسان حاق لارینین جهانی اعلانینا آسیلاراق دیل حاق لارینین دونیا بیانیه سینی ایمضالاییب دیل اؤزگورلویونو - اونون باغیمسیز فورمادا قوُللاندیغینی بوتون دونیا اؤلکه لرینه سَس لَندیریب - بیلیندیردی لر .
بیزیم اؤلکه ده ده اینسان لار ، مکتب لرده اؤز دیلینده یازیب و اوخوماسی ، آنا یاسانین ۱۵- اینجی مادده سینده ، آیدین جا قید اولونموشدور .
بئله لیکله ، من « هدایت ذاکر » بیر معللیم اولاراق بو اؤلکه نین اوُشاق لاری داها گنج لرینین آیدین گله جه یی و آنلاملی یاشام لاری و یوُردون آرتیق گلیشمه سی اوچون ، بوتون مسئول لاردان ۱۵- اینجی اصلین ایجرا اولونماسینی ایسته یه رک ، اسفند-ین ۲-سی جوما آخشامی (۲۱ فئوریه ۲۰۰۸) دونیا آنا دیلی گونو موناسیبت ایله آجلیق گؤره وینی گئچیره جه یم.
آنا دیلی گونو بوتون اینسان لار و آذربایجان میللتینه اوُغورلو اولسون .
هدایت ذاکر « آرازلی »
تبریز ۱۳۸۶.۱۱.۲۹
۱۸ فئوریه ۲۰۰۸
۱ بوز, ۱۳۸۶, ۰۸:۲۴
۳۰ میلیون دان آرتیق یاشایان تورک آذربایجان لی ایران اؤلکه سینده ، هله ده ۲۱ اینجی یوز ایل لیک ده اؤز آنا دیل لرینده تحصیل ائتمک دن محروم قالیب لار- بیر حالدا کی باشقا اؤلکه لرده بو سوروم(Sorum) ایل لردیر آرادان قالدیریلیب و اینسان لار اؤز یلکین و دوغال حاق لارینا مالیک دیرلر .
هر بیر اینسان دونیایا گؤز آچاندان سونرا اؤز آناسینین دیلی اولاراق بسله دییی شیرین لای لاسی ایله ، گئجه گوندوز ایل لره قاتیب - بویویوب ، آیاق توتوب و گؤزله ییرکی اوخول لاردا اؤز آنا دیلینده سؤزلر- کلمه لر و جمله لری اؤیره نیب - دوشونسون و دونیایا گئنیش لی باخارکن قانادلانیب و اؤزونه عایید اولان توپلومون قوُللوغوندا چالیشسین .
آنلامی ، بوتون « توپلوم »(جامعه) اؤز کیملیک لرینده یاشاییب دونیا اینسانلار بیرلشیمین یولوندا ، آیاق لانسین لار .
آما بو اینسان اوُشاق لیق چاغیندان ، دوشونجه لرینی داها داورانیش لارینی ، ایلک مکتبه آتدیم قویاندان سونرا اؤز دیل ایله کاغیذ اوستونه گتیرنمه سه ، ان بؤیوک روانی گرگین لیک لرله اوز- اوزه اولوب فیکیر و آغیز ایلگی لری آردان قوپاریلیب ، سونوج دا آسئمیله اولاجاق دیر. نهایت ده اینسان مَسخ اولوب ، باشقا باخیش ایلا دیری ایکن اؤلور !
بو اوزدن غیر دولتی موسسه و قوُروم لار ۱۹۹۶ ایلینده بارسلونا دا توپلانیب اینسان حاق لارینین جهانی اعلانینا آسیلاراق دیل حاق لارینین دونیا بیانیه سینی ایمضالاییب دیل اؤزگورلویونو - اونون باغیمسیز فورمادا قوُللاندیغینی بوتون دونیا اؤلکه لرینه سَس لَندیریب - بیلیندیردی لر .
بیزیم اؤلکه ده ده اینسان لار ، مکتب لرده اؤز دیلینده یازیب و اوخوماسی ، آنا یاسانین ۱۵- اینجی مادده سینده ، آیدین جا قید اولونموشدور .
بئله لیکله ، من « هدایت ذاکر » بیر معللیم اولاراق بو اؤلکه نین اوُشاق لاری داها گنج لرینین آیدین گله جه یی و آنلاملی یاشام لاری و یوُردون آرتیق گلیشمه سی اوچون ، بوتون مسئول لاردان ۱۵- اینجی اصلین ایجرا اولونماسینی ایسته یه رک ، اسفند-ین ۲-سی جوما آخشامی (۲۱ فئوریه ۲۰۰۸) دونیا آنا دیلی گونو موناسیبت ایله آجلیق گؤره وینی گئچیره جه یم.
آنا دیلی گونو بوتون اینسان لار و آذربایجان میللتینه اوُغورلو اولسون .
هدایت ذاکر « آرازلی »
تبریز ۱۳۸۶.۱۱.۲۹
۱۸ فئوریه ۲۰۰۸
posted by Mehran Baharlı at 10:29 AM
0 Comments:
Post a Comment
<< Home